ಸಿರಿಯಾದಲ್ಲಿ ಐಸಿಸ್​ ಉಗ್ರರ ನೆಲೆಗಳ ಮೇಲೆ ಅಮೆರಿಕ ದಾಳಿ

ವಾಷಿಂಗ್ಟನ್: ಐಸಿಸ್​ ಉಗ್ರರ ತಾಣ ಸಿರಿಯಾದ ಮೇಲೆ ಅಮೆರಿಕ ಸೇನೆ ದೊಡ್ಡ ಪ್ರಮಾಣದಲ್ಲಿ ದಾಳಿ ನಡೆಸಿದೆ.

ಈ ವೇಳೆ 35 ಉಗ್ರ ನೆಲೆಗಳ ಮೇಲೆ ದಾಳಿ ನಡೆದಿದ್ದು ಹಲವರು ಸಾವನ್ನಪ್ಪಿದ್ದಾರೆಂದು ಹೇಳಲಾಗುತ್ತಿದೆ.

ಕಳೆದ ತಿಂಗಳು ಐಸಿಸ್​ ಉಗ್ರರು ಮೂವರು ಅಮೆರಿಕನ್ನರನ್ನು ಹತ್ಯೆ ಮಾಡಿದ ಘಟನೆಗೆ ಪ್ರತಿಯಾಗಿ ಈ ದಾಳಿ ಮಾಡಲಾಗಿದೆ ಎಂದು ಅಮೆರಿಕನ್​ ಪಡೆಗಳ ಉಸ್ತುವಾರಿ ಸೆಂಟ್ರಲ್​ ಕಮಾಂಡ್​ ಎಕ್ಸ್​ ಖಾತೆಯಲ್ಲಿ ಪೋಸ್ಟ್​ ಹಂಚಿಕೊಂಡಿದೆ.

ವೈಮಾನಿಕ ದಾಳಿಯಲ್ಲಿ ಬಾಂಬ್​ಗಳು ಹಲವು ತಾಣಗಳನ್ನು ಉಡೀಸ್​ ಮಾಡಿದ ವಿಡಿಯೋವನ್ನು ಕೂಡಾ ಸೇನೆಯು ಹಂಚಿಕೊಂಡಿದೆ. ಆದರೆ, ಆ ಸ್ಥಳಗಳು ಯಾವ ಪ್ರದೇಶದಲ್ಲಿವೆ ಎಂಬುದರ ಮಾಹಿತಿ ನೀಡಿಲ್ಲ.

ನಾವು ಎಂದಿಗೂ ಆ ದಾಳಿಯನ್ನು ಮರೆಯುವುದಿಲ್ಲ ಮತ್ತು ಉಗ್ರವಾದವನ್ನು ಮಣಿಸಲು ಎಂದಿಗೂ ಹಿಂಜರಿಯುವುದಿಲ್ಲ ಎಂದು ಅಮೆರಿಕದ ರಕ್ಷಣಾ ಕಾರ್ಯದರ್ಶಿ ಪೀಟ್ ಹೆಗ್ಸೆತ್ ಎಕ್ಸ್​ ಖಾತೆಯಲ್ಲಿ ಪೋಸ್ಟ್​ ತಿಳಿಸಿದ್ದಾರೆ.