ಮನೀಲಾ: ಮನೀಲಾದ ದಕ್ಷಿಣ ಭಾಗದಲ್ಲಿರುವ ವಾಯುನೆಲೆಯಲ್ಲಿ ಫಿಲಿಪೈನ್ ವಾಯುಪಡೆಯ ಎರಡು ತರಬೇತಿ ವಿಮಾನಗಳು ಪತನಗೊಂಡಿದ್ದು, ಈ ದುರಂತದಲ್ಲಿ ನಾಲ್ವರು ಪೈಲಟ್‌ಗಳು ಸಾವನ್ನಪ್ಪಿದ್ದಾರೆ.
ಬಟಂಗಾಸ್ ಪ್ರಾಂತ್ಯದಲ್ಲಿರುವ ಫರ್ನಾಂಡೊ ವಾಯುನೆಲೆಯಲ್ಲಿ ಈ ಅಪಘಾತ ಸಂಭವಿಸಿದೆ ಎಂದು ಫಿಲಿಪೈನ್ ವಾಯುಪಡೆ ತಿಳಿಸಿದೆ.
ಈ ಎರಡು ವಿಮಾನಗಳು ಗಾಳಿಯಲ್ಲಿಯೇ ಪರಸ್ಪರ ಡಿಕ್ಕಿ ಹೊಡೆದಿದ್ದು, ನಂತರ ವಾಯುನೆಲೆಯ ಆವರಣದಲ್ಲಿಯೇ ಪತನಗೊಂಡಿವೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಅಪಘಾತದ ಕಾರಣದ ಬಗ್ಗೆ ತನಿಖೆ ನಡೆಯುವವರೆಗೂ, ಫಿಲಿಪೈನ್ ವಾಯುಪಡೆಯು ತನ್ನೆಲ್ಲಾ ‘ಎಸ್‌ಎಫ್-260’ (SF-260) ತರಬೇತಿ ವಿಮಾನಗಳ ಹಾರಾಟವನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಿದೆ.
ಈ ಹಿಂದೆ ಮೇ ತಿಂಗಳಲ್ಲಿ, ಇದೇ ಮಾದರಿಯ ವಿಮಾನವೊಂದು ದೇಶದ ಉತ್ತರದ ಪರ್ವತ ಪ್ರದೇಶವೊಂದರಲ್ಲಿ ಪತನಗೊಂಡಿದ್ದಾಗ ಇಬ್ಬರು ಪೈಲಟ್‌ಗಳು ಮೃತಪಟ್ಟಿದ್ದರು.
2023ರಲ್ಲಿಯೂ ಸಹ SF-260 TP Marchetti ವಿಮಾನವೊಂದು ಹಾರಾಟದ ವೇಳೆ ಪತನಗೊಂಡಿದ್ದರಿಂದ ಇಬ್ಬರು ಪೈಲಟ್‌ಗಳು ಸಾವನ್ನಪ್ಪಿದ್ದರು.
About the Author
