ನಾಲ್ಕು ದಶಕಗಳ ಬಳಿಕ ಭಾರತದ ಪ್ರಧಾನಿ ಸೌದಿ ಅರೇಬಿಯಾಗೆ ಭೇಟಿ

ಜೆಡ್ಡಾ: ಸೌದಿ ಅರೇಬಿಯಾ ಮತ್ತು ಭಾರತದ ನಡುವೆ ಸ್ಥಿರತೆ ಮತ್ತು ಸಕಾರಾತ್ಮಕತೆಯು ರಕ್ಷಣಾ ಮತ್ತು ಭದ್ರತಾ ಒಪ್ಪಂದಗಳು ಎರಡು ದೇಶಗಳ ನಡುವಿನ ಪರಸ್ಪರ ನಂಬಿಕೆಯನ್ನು ಪ್ರತಿಬಿಂಬಿಸುತ್ತದೆ ಎಂದು ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದರು.

ಇಂದಿನಿಂದ ಎರಡು ದಿನಗಳ ಸೌದಿ ಅರೇಬಿಯಾ ಪ್ರವಾಸದಲ್ಲಿರುವ ಮೋದಿ, ಭಾರತ ಮತ್ತು ಸೌದಿ ಅರೇಬಿಯಾ ಎರಡೂ ದೇಶಗಳು ಶಾಂತಿ ಮತ್ತು ಸ್ಥಿರತೆ ಕಾಪಾಡುವಲ್ಲಿ ಆಸಕ್ತಿ ಹೊಂದಿವೆ ಎಂದು ಹೇಳಿದರು.

ನಾಲ್ಕು ದಶಕಗಳ ಬಳಿಕ ಭಾರತದ ಪ್ರಧಾನಿ ಸೌದಿ ಅರೇಬಿಯಾಗೆ ಭೇಟಿ ನೀಡುತ್ತಿದ್ದು, ಭಾರತ-ಸೌದಿ ಪಾಲುದಾರಿಕೆಯಲ್ಲಿ ಹೊಸ ಅಧ್ಯಾಯಕ್ಕೆ ನಾಂದಿ ಹಾಡಿದೆ.

ಸೌದಿ ಪ್ರವಾಸಕ್ಕೆ ಮುನ್ನ ಮಾತನಾಡಿರುವ ಪ್ರಧಾನಿ ಮೋದಿ, ಭದ್ರತಾ ಸಹಕಾರದಲ್ಲಿ ನಾವು ಸ್ಥಿರವಾದ ಪ್ರಗತಿಯನ್ನು ಕಂಡಿದ್ದು, ಇದರಲ್ಲಿ ಭಯೋತ್ಪಾದಕ ನಿಗ್ರಹ, ಭಯೋತ್ಪಾದಕರಿಗೆ ಹಣಕಾಸು ತಡೆ ಮತ್ತು ಮಾದಕವಸ್ತು ಕಳ್ಳಸಾಗಣೆಯನ್ನು ತಡೆಯನ್ನು ಹೊಂದಿದ್ದೇವೆ. ಸೈಬರ್​ ಸೆಕ್ಯೂರಿಟಿಯಲ್ಲಿ ಸಹಕಾರದಲ್ಲಿ ಅನ್ವೇಷಿಸುತ್ತಿದ್ದೇವೆ. ಕಳೆದ ವರ್ಷ ನಾವು ಮೊದಲ ಬಾರಿಗೆ ನಡೆಸಿದ ಭೂ ಪಡೆಗಳ ನಡುವಿನ ಜಂಟಿ ಕಸರತ್ತಿನಲ್ಲಿ ಯಶಸ್ವಿಯಾಗಿದ್ದೇವೆ ಎಂದು ಹೇಳಿದ್ದಾರೆ.

ಕಳೆದೊಂದು ದಶಕದಿಂದ ರಕ್ಷಣಾ ಉತ್ಪಾದನೆಯಲ್ಲಿ ಭಾರತ ಆಳವಾದ ಮಾರ್ಗ ಅನುಸರಿಸಿದ್ದು, ಇಂದು ಭಾರತ ಗುಣಮಟ್ಟದ ಮದ್ದುಗುಂಡುಗಳು, ಸಣ್ಣ ಶಸ್ತ್ರಾಸ್ತ್ರಗಳು, ಟ್ಯಾಂಕ್‌ಗಳು, ಶಸ್ತ್ರಸಜ್ಜಿತ ವಾಹಕಗಳನ್ನು ತಯಾರಿಸುವ ಮಿಲಿಟರಿ ಕೈಗಾರಿಕಾ ಸಂಕೀರ್ಣವನ್ನು ಹೊಂದಿದೆ. ವಾಯುಪಡೆಗಾಗಿ ಡ್ರೋನ್‌ಗಳು, ಸುಧಾರಿತ ಲಘು ಹೆಲಿಕಾಪ್ಟರ್‌ಗಳು ಮತ್ತು ಫೈಟರ್ ಜೆಟ್‌ಗಳನ್ನು ನಿರ್ಮಿಸುತ್ತಿದ್ದೇವೆ. ನೌಕಾಪಡೆಗಾಗಿ ಗಸ್ತು ದೋಣಿಗಳು, ಜಲಾಂತರ್ಗಾಮಿ ನೌಕೆಗಳು ಮತ್ತು ವಿಮಾನವಾಹಕ ನೌಕೆಗಳನ್ನು ನಿರ್ಮಿಸುವ ಸಾಮರ್ಥ್ಯವನ್ನು ಹೊಂದಿದ್ದೇವೆ. ಈ ಮೂಲಕ ಕೇವಲ ದೇಶಕ್ಕೆ ಮಾತ್ರವಲ್ಲದೇ ಜಗತ್ತಿನೆಲ್ಲೆಡೆ 100 ದೇಶಗಳಿಗೆ ರಕ್ಷಣಾ ಸಾಧನಗಳನ್ನು ಪೂರೈಸುತ್ತಿದ್ದೇವೆ.

ಇದೀಗ ಸೌದಿ ಅರೇಬಿಯಾಗೆ ಕೆಲವು ರಕ್ಷಣಾ ಸಾಧನಗಳನ್ನು ಪೂರೈಸುತ್ತಿರುವುದು ಸಂತಸ ತಂದಿದೆ. ಖಾಸಗಿ ವಲಯದ ಸಂಬಂಧವನ್ನು ಎರಡೂ ದೇಶಗಳು ಬೆಂಬಲಿಸುತ್ತವೆ. ಖಾಸಗಿ ಹೂಡಿಕೆಗೆ ಮುಕ್ತವಾಗಿರುವ ಭಾರತದ ರಕ್ಷಣಾ ಉತ್ಪಾದನಾ ವಲಯದಲ್ಲಿ ಸೌದಿ ಹೂಡಿಕೆಯನ್ನು ನಾವು ಸ್ವಾಗತಿಸುತ್ತೇವೆ. ಭಾರತ ಇದೀಗ ಸೌದಿ ಜೊತೆಯಲ್ಲಿ ರಿಫೈನರಿ ಮತ್ತು ಪೆಟ್ರೋಕೆಮಿಕಲ್ಸ್​​ನಲ್ಲಿ ಜಂಟಿ ಯೋಜನೆ ಆವಿಷ್ಕರಿಸುತ್ತಿದೆ ಎಂದರು.

ಆರ್ಥಿಕ ಸಹಭಾಗಿತ್ವದಲ್ಲಿ ಶಕ್ತಿ ಪ್ರಮುಖ ಸ್ತಂಭವಾಗಿದೆ. ಸೌದಿ ಅರೇಬಿಯಾ ನಮಗೆ ಬಲವಾದ ಮತ್ತು ರಿಯಾಯಿತಿ ಶಕ್ತಿ ಭಾಗಿದಾರ ದೇಶವಾಗಿದೆ. ಭಾರತಕ್ಕೆ ಕಚ್ಛಾ ಮತ್ತು ಇತರೆ ಪೆಟ್ರೋಲಿಯಂ ಉತ್ಪನ್ನವನ್ನು ಪೂರೈಕೆ ಮಾಡುತ್ತಿರುವ ಪ್ರಮುಖ ದೇಶದಲ್ಲಿ ಒಂದಾಗಿದೆ. ಭಾರತವೂ ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗಬೇಕು ಎಂದರೆ, ನಮ್ಮ ಶಕ್ತಿ ಪೂರೈಕೆ ನಿರಂತವಾಗಿ ಬೆಳವಣಿಗೆ ಹೊಂದಬೇಕು. ಶಕ್ತಿ ಭದ್ರತೆಯನ್ನು ಸೌದಿ ಅರೇಬಿಯಾ ನಮ್ಮ ಆತ್ಮೀಯ ಸಹಭಾಗಿತ್ವ ದೇಶವಾಗಿದ್ದು, ಕೇವಲ ಕೊಳ್ಳುವಿಕೆ- ಮಾರಾಟದ ಸಂಬಂಧಕ್ಕೆ ಮಾತ್ರ ಸೀಮಿತವಾಗದೇ ನಾವು ತಂತ್ರಗಾರಿಕೆ ಭಾಗಿತ್ವಕ್ಕೆ ಒಪ್ಪಿಗೆ ಸೂಚಿಸಿದ್ದೇವೆ. ರಿಫೈನರಿಸ್​ ಮತ್ತು ಪೆಟ್ರೋಕೆಮಿಕಲ್ಸ್​ನಲ್ಲಿ ಜಂಟಿ ಯೋಜನೆ ಅವಿಷ್ಕಾರಕ್ಕೆ ಮುಂದಾಗಿದ್ದೇವೆ ಎಂದು ಪ್ರಧಾನಿ ಮೋದಿ ಹೇಳಿದರು.