ಮೈಸೂರು: ಮೈಸೂರಿನ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಇಂಜಿನಿಯರಿಂಗ್ (ಎನ್ಐಇ) ಸಂಸ್ಥೆಯಲ್ಲಿ ಸ್ಟೆಮ್ ಶಿಕ್ಷಣದಲ್ಲಿ ಲಿಂಗ ಸಮಾನತೆ ಎಂಬ ವಿಷಯದ ಕುರಿತು ಎರಡು ದಿನಗಳ ಕಾರ್ಯಕ್ರಮ ಪ್ರಾರಂಭಿಸಲಾಯಿತು.
ಕೆನಡಾದ ಕಾಮನ್ವೆಲ್ತ್ ಆಫ್ ಲರ್ನಿಂಗ್ (ಸಿಒಎಲ್) ಪ್ರಾಯೋಜಕತ್ವದ ‘ಎನ್ಐಇ-ಸಿಒಎಲ್’ ಯೋಜನೆಯಡಿ ಸ್ಟೆಮ್ ಶಿಕ್ಷಣದಲ್ಲಿ ಲಿಂಗ ಸಮಾನತೆ ಎಂಬ ವಿಷಯದ ಕುರಿತು ಎರಡು ದಿನಗಳ ಎಫ್ಡಿಪಿ – ಅಧ್ಯಾಪಕರ ಅಭಿವೃದ್ಧಿ ಕಾರ್ಯಕ್ರಮಕ್ಕೆ(ಫ್ಯಾಕಲ್ಟಿ ಡೆವಲಪ್ಮೆಂಟ್ ಪ್ರೋಗ್ರಾಂ)ಚಾಲನೆ ನೀಡಲಾಯಿತು.
ಹಿಮಾಚಲ ಪ್ರದೇಶದ ಉನ್ನತ ಶಿಕ್ಷಣ ಆಯೋಗದ ಅಧ್ಯಕ್ಷರಾದ ಸರೋಜಿನಿ ಗಂಜು ಠಾಕೂರ್ ಅವರು ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ಐಐಟಿ ಮಂಡಿಯ ಸಂಸ್ಥಾಪಕ ನಿರ್ದೇಶಕರು ಹಾಗೂ ಲೀಪ್ (LEAP) ಅಧ್ಯಕ್ಷರಾದ ಪ್ರೊ. ತಿಮೋತಿ ಎ. ಗೊನ್ಸಾಲ್ವಿಸ್ ಅವರು ಮುಖ್ಯ ಅತಿಥಿಗಳಾಗಿ ಪಾಲ್ಗೊಂಡಿದ್ದರು.
ಇಂಜಿನಿಯರಿಂಗ್ ಶಿಕ್ಷಣದಲ್ಲಿ ಈ ಪ್ರವರ್ತಕ ಉಪಕ್ರಮದ ಪ್ರಾಮುಖ್ಯತೆಯನ್ನು ಎನ್ಐಇ ಮುಖ್ಯ ನಾವೀನ್ಯತೆ ಅಧಿಕಾರಿ ಡಾ. ರೋಹಿಣಿ ನಾಗಪದ್ಮ ಅವರು ಒತ್ತಿಹೇಳಿದರು. ಬೋಧನೆಯಲ್ಲಿ ಲಿಂಗ-ಅಂತರ್ಗತ ಪದ್ಧತಿಗಳನ್ನು ಅಳವಡಿಸಿಕೊಳ್ಳುವುದು ಅತ್ಯಂತ ಅಗತ್ಯವಾಗಿದೆ ಎಂದು ಅವರು ಅಭಿಪ್ರಾಯಪಟ್ಟರು.
ಎನ್ಐಇ-ಸಿಒಎಲ್ ಯೋಜನೆಯ ಪ್ರಧಾನ ಸಂಶೋಧಕರಾದ ಡಾ. ದೀಪಾ ಅರಸ್ ಎಂ. ವಿ. ಮತ್ತು ಸಹ-ಪ್ರಧಾನ ಸಂಶೋಧಕರು ಡಾ. ಕೆ. ಆರ್. ಸುಮನ ಅವರು ಈ ಯೋಜನೆಯ ಪ್ರಮುಖ ಉದ್ದೇಶಗಳನ್ನು ಸಭೆಗೆ ವಿವರಿಸಿದರು.
ಶಿಕ್ಷಣ ತಜ್ಞರಲ್ಲಿ ಲಿಂಗ-ಸಂವೇದನಾಶೀಲ ತರಗತಿಗಳನ್ನು ಪೋಷಿಸುವ ಮತ್ತು ಸ್ಟೆಮ್ ಶಿಕ್ಷಣದಲ್ಲಿ ಸಮಾನತೆಯನ್ನು ಉತ್ತೇಜಿಸುವ ಪ್ರಾಯೋಗಿಕ ಕಾರ್ಯತಂತ್ರಗಳನ್ನು ಮೂಡಿಸುವುದು ಈ ಕಾರ್ಯಕ್ರಮದ ಮುಖ್ಯ ಗುರಿಯಾಗಿದೆ ಎಂದು ಅವರು ತಿಳಿಸಿದರು.
ಈ ಸಂದರ್ಭದಲ್ಲಿ ಎನ್ಐಇ ಉಪ ಪ್ರಾಂಶುಪಾಲರಾದ ಡಾ. ಎಂ. ವಿ. ಲಿಖಿತ್ ಕುಮಾರ್, ವಿವಿಧ ವಿಭಾಗಗಳ ಮುಖ್ಯಸ್ಥರು, ಪ್ರಾಧ್ಯಾಪಕರು ಹಾಗೂ ವಿವಿಧ ಸಂಸ್ಥೆಗಳಿಂದ ಆಗಮಿಸಿದ್ದ ಪ್ರತಿನಿಧಿಗಳು ಪಾಲ್ಗೊಂಡಿದ್ದರು.
About the Author
