ಮೈಸೂರು: ಶೇರು ವಹಿವಾಟಿನಲ್ಲಿ ಹೆಚ್ಚಿನ ಲಾಭಾಂಶದ ಆಮಿಷ ತೋರಿಸಿ ವೃದ್ದ ದಂಪತಿಗೆ 69.67 ಲಕ್ಷ ವಂಚಿಸಿದ ಪ್ರಕರಣ ಮೈಸೂರಿನಲ್ಲಿ ನಡೆದಿದೆ
ಸೆನ್ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿದೆ.
ಶ್ರೀರಾಂಪುರ ನವಾಸಿ ಮಹದೇವ್ ಸಿಂಗ್(63) ಹಾಗೂ ಅವರ ಪತ್ನಿ ಹಣ ಕಳೆದುಕೊಂಡ ದಂಪತಿ.
ಫೇಸ್ ಬುಕ್ ನಲ್ಲಿ ಶೇರು ಟ್ರೇಡಿಂಗ್ ಬಗ್ಗೆ ಬಂದ ಲಿಂಕ್ ನಂಬಿದ ದಂಪತಿ ವಂಚಕರು ಸೂಚಿಸಿದಂತೆ ವಿವಿಧ ಹಂತಗಳಲ್ಲಿ ಹಣ ಹೂಡಿದ್ದಾರೆ.
ಮಹದೇವ್ ಸಿಂಗ್ ಅವರು ತಮ್ಮ ಖಾತೆಯಿಂದ 52,27,331 ರೂ. ವರ್ಗಾಯಿಸಿದ್ದಾರೆ.ಜತೆಗೆ ಅವರ ಪತ್ನಿ ಖಾತೆಯಿಂದ 17,40,000 ರೂ. ವರ್ಗಾಯಿಸಿದ್ದಾರೆ.
ಲಾಭದ ಹಣ ಡ್ರಾ ಮಾಡಲು ಮುಂದಾದಾಗ ತೆರಿಗೆ ಹಾಗೂ ಮಾರ್ಜಿನ್ ಹಣ ಕಟ್ಟುವಂತೆ ಒತ್ತಾಯಿಸಿದ್ದಾರೆ.ಆಗ ವಂಚನೆಗೆ ಒಳಗಾಗಿರುವುದು ಗೊತ್ತಾಗಿ ಮಹದೇವ್ ಸಿಂಗ್ ಅವರು ಸೆನ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
